பள்ளி மாணவர்களுக்கான பாடத்திட்டம் குறைப்பு

வரும் செப்டம்பர் மாதம் பள்ளிகள் மீண்டும் திறக்கப்படும் நிலையில் பள்ளி மாணவர்களின் பாடத் திட்டம் குறைக்கப்பட்டுள்ளது.

கரோனா தொற்று பரவத் தொடங்கிய காலத்திலிருந்தே பள்ளிகள் காலவரையின்றி மூடப்பட்டுள்ளன. என்னதான் ஆன்லைன் வகுப்புகள் நடத்தப்பட்டு வந்தாலும், மாணவர்கள் இதனால் மிகுந்த சிரமங்களுக்கு ஆளாகியுள்ளனர். இச்சூழ்நிலையை கருத்தில் கொண்டு மாணவர்களின் சுமையைக் குறைக்கும் வகையில் பாடங்கள் குறைக்கப்பட்டன.

1 முதல் 8ஆம் வகுப்பு மாணவர்களுக்கு 50 விழுக்காடும், 9 முதல் 12ஆம் வகுப்பு மாணவர்களுக்கு 35 விழுக்காடும் பாடத்திட்டம் குறைக்கப்பட்டது. செப்டம்பர் 1ஆம் தேதி முதல் 9 முதல் 12ஆம் வகுப்பு மாணவர்களுக்கு பள்ளிகள் திறக்கப்படும் என அரசு அறிவித்த நிலையில், பள்ளிகள் வகுப்புகளைத் தொடங்கும் பணிகளை மேற்கொண்டு வருகின்றன.

மற்ற மாணவர்கள் தொடர்ந்து ஆன்லைன் வாயிலாக பாடங்களை படித்து வருகின்றனர். பல நாள்களுக்குப் பிறகு பள்ளிகள் திறக்கப்படும் நிலையில் மாணவர்கள் அனைத்து பாடங்களையும் படிப்பதில் சிரமம் ஏற்பட்டுள்ளது.

இந்த நிலையில் பாடங்களை மாணவர்கள் எளிதாகப் புரிந்துகொள்ளும் நிலையில், ஒன்று முதல் 8ஆம் வகுப்பு மாணவர்களுக்கு 50 விழுக்காடும், ஒன்பது முதல் 12ஆம் வகுப்பு மாணவர்களுக்கு 35 விழுக்காடும் பாடத்திட்டம் குறைக்கப்பட்டுள்ளது.

இதையும் படிங்க:பள்ளிகள் திறப்பதற்கான வழிகாட்டு நெறிமுறைகள் விரைவில் வெளியீடு!