உத்தரப் பிரதேச மாநிலம் ஹத்ராஸில் தலித் பெண் பாலியல் வன்புணர்வுக்கு ஆளாக்கப்பட்டு கொடூரமாக கொல்லப்பட்டார். இதையடுத்து அப்பெண்ணின் குடும்பத்தாரை சந்தித்து ஆறுதல் கூற, முன்னாள் காங்கிரஸ் தலைவர் ராகுல் காந்தி, பிரியங்கா காந்தி ஆகியோர் கடந்த 3ஆம் தேதி ஹத்ராஸ் புறப்பட்டனர். ஆனால் அவர்களை வழியிலேயே மறித்த அம்மாநில காவல்துறை, ராகுலை கீழே தள்ளியும், பிரியங்காவை கையை பிடித்தும் இழுத்தனர்.
உத்தரப் பிரதேச மாநில காவல்துறையின் இச்செயலை கண்டித்து காங்கிரஸ் கட்சியினர் நாடு முழுவதும் போராட்டங்களில் ஈடுபட்டு வருகின்றனர். அதன் ஒரு பகுதியாக, சென்னை பல்லவன் சாலையில் காங்கிரஸ் கட்சியின் முன்னாள் மாநில தலைவரும், நாடாளுமன்ற உறுப்பினருமான திருநாவுக்கரசர் தலைமையில் சத்தியாகிரகப் போராட்டம் நடைபெற்றது. இதில் ஏராளமான காங்கிரஸ் கட்சியினர் கலந்து கொண்டனர்.
உ.பி. காவல்துறையின் காட்டுமிராண்டித்தனம் - திருநாவுக்கரசர்