கோடம்பாக்கம் சிந்துவின் மருத்துவ செலவை அரசே ஏற்கும் - முதலமைச்சர் ஸ்டாலின் அறிவிப்பு

விபத்தால் கால் இயங்க முடியாமல் போனாலும் விடாமுயற்சியுடன் 12ஆம் வகுப்பு பொது தேர்வு எழுதும் சிந்துவிற்கு உரிய மருத்துவ செலவை அரசே ஏற்கும் என முதலமைச்சர் ஸ்டாலின் அறிவித்துள்ளார்.

சென்னை: சென்னை கோடம்பாக்கத்தில் விபத்தால் நடக்க முடியாத நிலையிலுள்ள கைப்பந்து வீராங்கனையும், 12 வகுப்பு மாணவியுமான சிந்து பொதுத் தேர்வை எழுதி வருகிறார். மூன்றாவது மாடியில் இருந்து தவறி விழுந்து இடுப்புக்கு கீழ் செயல் இழந்து முடங்கிய நிலையிலும், உதவியாளர் துணையுடன் தேர்வு எழுதினார்.

மேலும், தனது லட்சியமான ராணுவத்தில் சேர முடியாவிட்டாலும், குடிமைப்பணியில் சேர்ந்து சாதிப்பேன் என அவர் நம்பிக்கை தெரிவித்துள்ளார்.

இதுகுறித்து செய்தி ஊடகங்களில் வெளியானதையடுத்து, தமிழ்நாடு முதலமைச்சர் மாணவி குறித்து அவரது ட்விட்டர் பக்கத்தில் பதிவு ஒன்றை வெளியிட்டார். அதில் அந்த மாணவிக்கு தேவையான மருத்துவ செலவை அரசே ஏற்கும் எனவும், சிந்து மீண்டும் முன் போல் விளையாட வேண்டும் என தெரிவித்துள்ளார்.

இதையும் படிங்க:நடக்க முடியாத நிலையிலும் சாதிக்க துடித்து 12 ம் வகுப்பு பொதுத் தேர்வை எழுதும் ’சிந்து’