சென்னை:திமுக இளைஞர் அணி செயலாளர் உதயநிதி ஸ்டாலினின் மகன் இன்பநிதி, மணிப்பூர் மாநிலத்திற்கான நெரோகா கால்பந்து அணிக்கு விளையாடுவதற்காக தேர்வு செய்யப்பட்டார்.
இது குறித்து அதிகாரப்பூர்வமாக வெளியிட்ட நெரோகா கால்பந்து அணியின் ட்விட்டர் பதிவில், ‘சென்னை ட்ரையல்ஸ் கால்பந்து அணியில் இருந்து இளம் ஃடிபெண்டர், இன்ப உதயநிதியை தேர்வு செய்துள்ளோம்’ என்று குறிப்பிடப்பட்டிருந்தது.
இந்தியன் ஐ-லீக் கால்பந்து போட்டியில் மணிப்பூர் மாநிலத்தைச் சேர்ந்த நெரோகா கால்பந்து அணியில் இடம்பிடித்துள்ள இன்ப உதயநிதி சிறப்பாக விளையாடுவார் என அனைவராலும் எதிர்பார்க்கப்படுகிறது.