சிஎம் டேஷ்போர்டு திட்டம் நாளை தொடக்கம்

தமிழ்நாடு அரசின் துறை சார்ந்த தகவல்களை கண்காணிக்கும் சிஎம் டேஷ்போர்டு திட்டத்தை முதலமைச்சர் மு.க.ஸ்டாலின் நாளை தொடங்கி வைக்க உள்ளார்.

சென்னை:தமிழ்நாடு முதலமைச்சர் மு.க. ஸ்டாலின் நாளை CM Dashboard என்ற திட்டத்தை தொடங்கி வைக்கிறார். இந்த சிஎம் டேஷ்போர்டு திட்டம் மூலம், சுகாதாரத்துறை, பள்ளிக்கல்வித்துறை, காவல்துறை உள்ளிட்ட அனைத்து முக்கிய துறைகளின் நடவடிக்கைகளை முதலமைச்சர் கண்காணிக்க முடியும்.

அத்துடன் ஏற்கனவே தொடங்கப்பட்ட திட்டங்கள் நிலை, வரபோகும் திட்டங்களின் முன்னோட்டம் குறித்தும் அறிந்து கொள்ள முடியும். அப்படி ஓராண்டிற்கான திட்ட நடவடிக்கைகள் இதில் இடம்பெறும். இதற்காக அனைத்து துறைகளையும் ஒருங்கிணைத்து தமிழ்நாடு 360 என்ற புதியத் துறை தொடங்கப்படஉள்ளது.

இதனை பொதுமக்களும் காண வழிவகை செய்யப்பட உள்ளதாக தெரிவிக்கப்பட்டுள்ளது. தமிழ்நாடு அரசின் துறை சார்ந்த தகவல்களை மக்களிடம் நேரடியாக கொண்டு செல்லும் வகையில் இந்த முதலமைச்சர் தகவல்பலகை உருவாக்கப்பட்டுள்ளதாக அரசு தரப்பில் தெரிவிக்கப்பட்டுள்ளது. இந்தத் திட்டம் ஏற்கனவே ஆந்திரா, மத்திய பிரதேசம் உள்ளிட்ட பல்வேறு மாநிலங்களில் நடைமுறையில் உள்ளது குறிப்பிடத்தக்கது.

இதையும் படிங்க:உதயநிதி வெற்றியை எதிர்த்து வழக்கு: தேர்தல் ஆணையம் பதிலளிக்க நீதிமன்றம் உத்தரவு