சென்னை:டெல்லியில் பனிமூட்டம் காரணமாக சென்னை விமான நிலையத்திலிருந்து கிளம்ப வேண்டிய 10க்கும் மேற்பட்ட விமானங்கள் தாமதமாகப் புறப்பட்டன.
டெல்லியில் பனிமூட்டம் - விமானத்திற்காக காத்திருந்த முதலமைச்சர்!
டெல்லியில் பனிமூட்டம் காரணமாக, சென்னை விமான நிலையத்தில் பத்துக்கும் மேற்பட்ட விமானங்கள் 3 மணி நேரத்திற்கும் மேலாக தாமதமாகக் கிளம்பியதால், புதுச்சேரி முதலமைச்சர் நாராயணசாமி உள்ளிட்ட பயணிகள் கடும் அவதிக்குள்ளாகினர்.
chennai flights delay due to heavy fog in delhi
டெல்லியில் இன்று (பிப். 11) காலை கடும் பனிமூட்டம் காரணமாக, டெல்லியிலிருந்து சென்னை வரவேண்டிய 4 விமானங்கள் 3 மணிநேரம் தாமதமாக வந்தடைந்தது. காலை 10 மணி, காலை 10.45 மணி,11.05 மணி, பகல் 12.15 மணி, பகல் 12.45 மணி ஆகிய 5 விமானங்கள் பிற்பகல் 1.30 மணிக்கு மேல்தான் சென்னை வந்து சேரும் என்று அறிவிக்கப்பட்டுள்ளது.
அந்த விமானங்கள் டெல்லியிலிருந்து சென்னை வந்துவிட்டு, மீண்டும் சென்னையிலிருந்து டெல்லி, கொல்கத்தா, கோவா, கோயம்புத்தூர் ஆகிய இடங்களுக்குப் புறப்பட்டுச் செல்லும். அந்த 5 விமானங்களும் சுமார் 3 மணி நேரத்திற்கு மேலாகத் தாமதமாகப் புறப்படும் என்று அறிவிக்கப்பட்டது. இதனால் சென்னை விமான நிலையத்தில் பயணிகள் கடும் அவதிக்குள்ளாகியுள்ளனர்.