காசிமேடு கடற்கரையில் ராட்சத அலையில் சிக்கி மாயமான சிறுவன்!

சென்னை: காசிமேடு கடற்கரையில் குளிக்கச் சென்ற 15 வயது சிறுவன் ராட்சத அலையில் சிக்கி மாயமானதையடுத்து, சிறுவனை தேடும் பணியில் காவல் துறையினர் ஈடுபட்டு வருகின்றனர்.

சென்னை காசிமேடு ஜிஎம் பேட்டை தெருவில் வசித்து வரும் விரலால்யாதோ மகன் சந்தோஷ் (15). இவர் நண்பர்களோடு காசிமேடு கடலில் குளிக்கச் சென்றார்.

அப்போது பெரிய ராட்சத அலையில் மாட்டிக்கொண்ட சிறுவன் சந்தோஷை பார்த்த நண்பர்கள் சத்தமிட்டனர். இதனையடுத்து, அருகில் இருந்த மீனவர்கள் அந்த சிறுவனை காப்பாற்ற முயன்றனர். ஆனால், அலையின் வேகம் அதிகமாக இருந்ததால், அந்த சிறுவனை மீட்க முடியாமல் கடல் அலையில் அடித்துச் செல்லப்பட்டான்.

இது குறித்து சந்தோஷின் தந்தை காவல் துறையில் புகார் அளித்தார். புகாரின் அடிப்படையில், சம்பவ இடத்திற்கு சென்ற காவல் துறையினர், சிறுவனை மீட்கும் முயற்சியில் ஈடுபட்டு வருகின்றனர். அப்பகுதியில் உள்ள மீனவர்கள் உதவியோடு பைபர் படகு மூலமாக சிறுவனை தேடும் பணியில் தீவிரமாக இறங்கியுள்ளனர்.

இதையும் படிங்க...மகாராஷ்டிராவிலும் பறவைக்காய்ச்சல் பரவலா?