ஒருவர்கூட முன்பதிவு செய்யவில்லை: சென்னை-அந்தமான் விமானம் ரத்து!

சென்னை: பாரத் பந்த் காரணமாக ஒருவர்கூட முன்பதிவு செய்யாததால், சென்னையிலிருந்து அந்தமான் செல்லும் விமானம் ரத்துசெய்யப்பட்டுள்ளது.

பாரத் பந்த் காரணமாக சென்னை விமான நிலையத்தில் போதிய பயணிகள் இல்லாமல் சென்னை-மதுரை விமானம் ஏற்கனவே ரத்துசெய்யப்பட்டது.

இந்நிலையில் இன்று பிற்பகல் 2 மணிக்கு சென்னையிலிருந்து அந்தமான் செல்லவிருந்த விமானத்தில் பயணிக்க இன்று (டிச. 08) காலை 10 மணிவரை ஒருவரும் முன்பதிவு செய்யவில்லை. இதனால், இந்த விமானமும் ரத்துசெய்யப்பட்டது.

இதையடுத்து பாரத் பந்த் காரணமாக சென்னை விமான நிலையத்தில் பயணிகள் இல்லாமல் மதுரை, அந்தமான் ஆகிய இரண்டு விமானங்கள் ரத்துசெய்யப்பட்டுள்ளன.

இதையும் படிங்க...காபி டே சிஇஓ பொறுப்புக்கு சித்தார்த் மனைவி மாளவிகா தேர்வு!