இது தொடர்பாக செங்கல்பட்டு மாவட்டத்தைச் சேர்ந்த ஆசிர்வாதம் என்பவர் தாக்கல் செய்துள்ள மனுவில், காஞ்சிபுரம் மாவட்டம் ஶ்ரீபெரும்புதூர் மாவட்டத்தில் கார் உதிரி பாகங்கள் உற்பத்தி செய்யும் சிப்காட் தொழிற்சாலையில் ராஜஸ்தான், பிகார், சத்தீஸ்கர், ஒடிசா, ஜார்கண்ட், மேற்கு வாங்காளத்தைச் சேர்ந்த 1600 தொழிலாளர்கள் வேலை செய்து வருகின்றனர்.
கடந்த 30 நாட்களுக்கும் மேலாக தொடரும் ஊரடங்கால் பாதிக்கப்பட்டுள்ள அவர்களுக்கு, உணவு மற்றும் ஊதியத்தை சம்பந்தப்பட்ட நிறுவனம் வழங்கவில்லை. யமஹா நிறுவனமும் அவர்கள் தங்கள் நிறுவன ஊழியர்கள் இல்லை எனத் தெரிவித்துவிட்டது.
ஊழியர்கள் ஒரு நாளைக்கு ஒரு வேளை உணவு உண்டும், இதர மாநிலங்களில் உள்ள உறவினர்களிடம் பணம் பெற்றும் அடிப்படைத் தேவைகளை நிறைவேற்றி வருகின்றனர். அதேபோல், காஞ்சிபுரம் மாவட்டத்தில் உள்ள 12,000 முதல் 15,000 வெளி மாநிலத் தொழிலாளர்களுக்கு எந்த உதவிகளும் கிடைக்கவில்லை.