சென்னை மதுரவாயல் அருகே போக்குவரத்து காவல் துறையினர் வாகனச் சோதனையில் ஈடுபட்டிருந்தனர். அப்போது அவ்வழியாக போலீஸ் ஸ்டிக்கர் ஒட்டிய கார் ஒன்று வந்தது.
அந்தக் காரை மடக்கிய காவல் துறையினர் சோதனை மேற்கொண்டனர். சோதனையில், காரில் 248 மதுபாட்டில்கள் இருந்தது தெரியவந்தது. இதையடுத்து காரிலிருந்த இருவரிடம் காவலர்கள் விசாரணை மேற்கொண்டனர். விசாரணையில், படப்பையைச் சேர்ந்த கலைச்செல்வம் என்பதும், இவர் ஒரு சினிமா தயாரிப்பாளர் என்பதும் தெரியவந்தது. கமல்ஹாசனின் சகோதரர் சாருஹாசனை வைத்து ’தாதா 85’ என்ற படத்தை இவர் தயாரித்தாகக் கூறப்படுகிறது.
மற்றொருவர் முகப்பேரைச் சேர்ந்த பல் மருத்துவ நிபுணர் ஆனந்தராஜ் என்பதும், இருவரும் படப்பையிலிருந்து மதுபாட்டில்கள் வாங்கிவந்துள்ளனர். மேலும், கடத்தலுக்கு பயன்படுத்திய கார் படப்பையில் உள்ள ஓய்வுபெற்ற துணை காவல்கண்காணிப்பாளர் நசிர் பாஷாவிற்கு சொந்தமானது.
இதையும் படிங்க:மதுஅருந்திவிட்டு தூங்கியவர் காலையில் உயிரிழப்பு