சென்னை: தமிழ்நாடு காவல் துறையில் வடக்கு மண்டல ஐஜி பொறுப்பில் இருந்தவர் சங்கர். இவருக்கு சமீபத்தில் கரோனா தொற்று காரணமாகத் தனிமைப்படுத்திக் கொண்டு விடுப்பில் இருந்துவருகிறார்.
மிக முக்கியப் பொறுப்பான வடக்கு மண்டல ஐஜி பொறுப்பைத் தமிழ்நாடு காவல் துறை பொதுப்பிரிவு ஐஜியான பெரியய்யா கூடுதலாகக் கவனித்துக் கொள்வார் எனத் தேர்தல் ஆணையம் உத்தரவு பிறப்பித்துள்ளது.
குறிப்பாக தேர்தல் நடத்தை விதிகளின்படி ஆறு மாதத்திற்கு மேல் ஓய்வுபெறும் காலம் உள்ள அலுவலர்களை மட்டுமே நியமிக்க வேண்டும் என்ற உத்தரவு உள்ளது. ஆனால் ஐஜி பெரியய்யா அடுத்த மாதம் ஓய்வுபெறவுள்ள நிலையில் தேர்தல் விதிமுறைகளை மீறி அவருக்கு வடக்கு மண்டல ஐஜி பொறுப்பு வழங்கியிருப்பது சர்ச்சையை ஏற்படுத்தியுள்ளது.