இருசக்கர வாகன விபத்து - இரண்டு வயது குழந்தை உயிரிழந்த சோகம்!

இருசக்கர வாகனத்தின் மீது மற்றொரு இருசக்கர வாகனம் மோதியதில் காயமடைந்த இரண்டு வயது குழந்தை மருத்துவமனைக்கு கொண்டு செல்லும் வழியில் உயிரிழந்தது.

சென்னை: பாலவாக்கத்தை சேர்ந்த சாது(26), நந்தினி(23) தம்பதிக்கு தட்சன் என்ற இரண்டு வயது குழந்தை இருந்தது.

நேற்றிரவு (அக்டோபர் 14) பனையூர் ஈசிஆர் சாலையில் குழந்தையுடன் கணவன், மனைவி இருவரும் இருசக்கர வாகனத்தில் சென்றுகொண்டிருந்தனர். அப்போது அதிவேகமாக வந்த இரண்டு இருச்சக்கர வாகனங்கள் சாதுவின் வாகனம் மீது மோதியது.

இதில் நிலை தடுமாறி குழந்தை உள்பட அனைவரும் கீழே விழுந்தனர். இதில் சாதுவுக்கும், அவரது மனைவிக்கும் பலத்த காயம் ஏற்பட்டது. மேலும் 2 வயது குழந்தைக்கும் தலையில் பலத்த காயம் ஏற்பட்டது.

பின்னர் வாகன ஓட்டிகள் காயமடைந்த மூவரையும் மீட்டு 108 அவசர ஊர்தி மூலம் ராயப்பேட்டை அரசு மருத்துவனைக்கு அனுப்பிவைத்தனர். இதில் மருத்துவமனைக்கு கொண்டு செல்லும் வழியிலேயே 2 வயது குழந்தை பரிதாபமாக இறந்தது.

விபத்து குறித்து அடையாறு போக்குவரத்து புலனாய்வு காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.

இதையும் படிங்க:காலிஃபிளவர் பக்கோடாவில் ரத்தக்கறையுன் கிடந்த பேண்டேஜ் - உணவு பாதுகாப்புத்துறை நடவடிக்கை