வர்த்தக நாள் முடிவில் மும்பை பங்குச்சந்தை குறியீட்டு எண் சென்செக்ஸ் 592.97 புள்ளிகள் (1.59 விழுக்காடு) உயர்ந்து 37,981.63 புள்ளிகளிலும், தேசியப் பங்குச்சந்தை குறியீட்டு எண் நிஃப்டி 177.30 புள்ளிகள் (1.60 விழுக்காடு) உயர்ந்து 11,227.55 புள்ளிகளிலும் வர்த்தகம் நிறைவடைந்தன. இந்தியப் பங்குச் சந்தைகள் கடந்த வரம் கடும் சரிவைக் கண்டுவந்த வாரத்தின் முதல் நாளான இன்று உயர்வைச் சந்தித்தது வர்த்தகர்களுக்கு புத்துணர்ச்சியை அளித்துள்ளது.
ஏற்றம், இறக்கம் கண்ட பங்குகள்:
அதிகபட்சமாக இன்டஸ்இன்ட் வங்கியின் பங்குகள் சுமார் 8 விழுக்காடு உயர்வைச் சந்தித்தது. அதற்கு அடுத்தபடியாக பஜாஜ் பைனானஸ், ஆக்ஸிஸ் வங்கி, பவர் கிரிட், ஓ.என்.ஜி.சி., ஐ.சி.சி.ஐ. உள்ளிட்ட நிறுவனங்களின் பங்குகள் அதிக உயர்வை சந்தித்தன.
அதேவேளை, இந்துஸ்தான் யூனிலீவர், இன்போசிஸ், நெஸ்லே உள்ளிட்ட நிறுவனங்களின் பங்குகளும் சரிவைக் கண்டன.