335 புள்ளிகள் குறைந்த சென்செக்ஸ்!

மும்பை: இன்றைய வர்த்தக நாள் முடிவில் மும்பை பங்குச்சந்தை குறியீட்டு எண் சென்செக்ஸ் 335 புள்ளிகள் குறைந்தும், தேசிய பங்குச்சந்தை குறியீட்டு எண் நிஃப்டி 73.50 புள்ளிகள் குறைந்தும் காணப்பட்டன.

நேற்று வர்த்தக விடுமுறையை அடுத்து இன்று பங்குச்சந்தை தொடக்கம் முதலே சரிவை சந்தித்தது. இதற்கிடையே தகவல் தொழில்நுட்ப நிறுவனமான இன்ஃபோசிஸ் மீதான விசில்ப்ளோவர் குற்றச்சாட்டுகளால் அதன் பங்குகள் கடுமையான சரிவை சந்தித்தன. கிட்டத்தட்ட 16.65 சதவிகித சரிவை இந்த நிறுவனத்தின் பங்குகள் சந்தித்தன. மேலும்,

• டாடா மோட்டார்ஸ் 4 சதவிகிதம்,
• பஜாஜ் ஃபின்சர்வ் 3 சதவிகிதம்,
• ஏர்டெல், ஹெசிஎல் தலா 2.8 சதவிகிதம்

என முக்கிய நிறுவனங்கள் சரிவை சந்தித்தன. அதில் ஐசிஐசிஐ, பாரத் பெட்ரோலியம் கார்ப்பரேஷன், டைட்டன் உள்ளிட்ட நிறுவனங்களின் பங்குகளின் புள்ளிகள் உயர்வுடன் முடிவடைந்தன.

இறுதியாக இன்றைய வர்த்தக நாளின் முடிவில் மும்பை பங்குச்சந்தை குறியீட்டு எண் சென்செக்ஸ் 335 புள்ளிகள் குறைந்தும் தேசிய பங்குச்சந்தை குறியீட்டு எண் நிஃப்டி 73.50 புள்ளிகள் குறைந்தும் முடிந்தன.

மேலும் அமெரிக்க டாலருக்கு நிகரான இந்திய ரூபாயின் மதிப்பு 22 பைசா உயர்ந்து 70.92 ஆக இருந்தது.

இதையும் படிக்கலாமே: வளர்ச்சியின் அளவு என்ன? - பட்டினியால் வாடும் நாடுகளின் பட்டியலில் இந்தியா முதலிடம்?