ஆணவக் கொலைசெய்யப்பட்ட உடுமலை சங்கர் விவகாரத்தின் மேல் முறையீட்டு வழக்கில், தூக்குத் தண்டனை விதிக்கப்பட்ட ஐந்து பேரின் தண்டனை ஆயுள் தண்டனையாகக் குறைக்கப்பட்டுள்ளது. முக்கியக் குற்றவாளி என குற்றஞ்சாட்டப்பட்ட கௌசல்யாவின் தந்தை சின்னச்சாமி வழக்கிலிருந்து கடந்த 22ஆம் தேதியன்று சென்னை உயர் நீதிமன்றத்தால் விடுதலைசெய்யப்பட்டார்.
சென்னை உயர் நீதிமன்றத்தின் தீர்ப்புக்குப் பின்னர் ஊடகங்களிடையே பேசிய தமிழ்நாடு அரசுத் தரப்பின் கூடுதல் வழக்குரைஞர் எமிலியாஸ், இந்தத் தீர்ப்பை எதிர்த்து உச்ச நீதிமன்றத்தில் மேல்முறையீடு செய்யப்படும் எனத் தெரிவித்திருந்தார்.