என்ஆர் காங்கிரஸ் மண்குதிரை; அது கரை சேராது: கம்யூனிஸ்ட் விமர்சனம்

புதுச்சேரி: என்ஆர் காங்கிரஸ் கட்சிக்கு வாக்களிப்பது மண் குதிரையை நம்பி ஆற்றில் இறங்குவதற்குச் சமம் என மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் டி.கே.ரங்கராஜன் தெரிவித்துள்ளார்.

நாடாளுமன்றத் தேர்தலையொட்டி புதுச்சேரி மாநில மார்க்சிஸ்ட் கம்யூனிஸ்ட் கட்சி சார்பில் தேர்தல் பரப்புரை பொதுக்கூட்டம் சாரம் ஜீவா சதுக்கம் அருகில் நேற்று மாலை நடைபெற்றது.

இதில், அக்கட்சியின் அரசியல் தலைமைக்குழு உறுப்பினர் டி.கே. ரங்கராஜன் சிறப்பு விருந்தினராக கலந்துகொண்டு உரையாற்றினார்.

அப்போது, "பாஜக போன்ற பித்தலாட்டமான கட்சிக்கு ஆதரவாக புதுச்சேரியைச் சேர்ந்த அகில இந்திய என்ஆர் காங்கிரஸ் வேட்பாளரை நிறுத்துகிறது.

புதுச்சேரியில், என்ஆர் காங்கிரஸ் என்பது மண்குதிரையாகும். அக்கட்சிக்கு வாக்களிப்பது மண்குதிரையை நம்பி ஆற்றில் இறங்குவதற்குச் சமம்" என தெரிவித்துள்ளார்.