விருதுநகர் மாவட்டத்தில், கரோனாவின் தாக்கம் தொடர்ந்து நாளுக்கு நாள் அதிகரித்துக் கொண்டே வருகிறது. இத்தொற்றைக் கட்டுப்படுத்த மாவட்ட நிர்வாகம் சார்பில் பல்வேறு நடவடிக்கைகள் எடுக்கப்பட்டுவருகின்றன. கட்டுப்பாட்டு நடவடிக்கைகளைத் தீவிரப்படுத்தும் விதமாக மாவட்டத்தில் முன்னதாக தொற்று பாதிப்பு அதிகமாக உள்ள 57 இடங்களில் மறுஉத்தரவு வரும் வரை, முழு ஊரடங்கு அமல்படுத்தப்படும் என்று மாவட்ட ஆட்சியர் கூறியிருந்தார்.
விருதுநகரில் 166 பகுதிகளுக்கு முழு பொதுமுடக்கம் - ஆட்சியர் உத்தரவு - 166 பகுதிகளில் பொது முடக்கம்
விருதுநகர்: மாவட்டத்தில் 166 பகுதிகளில் முழு பொதுமுடக்கத்தை அமல்படுத்தி மாவட்ட ஆட்சியர் கண்ணன் உத்தரவிட்டுள்ளார்.
விருதுநகரில் முழு பொதுமுடக்கம் அமல்படுத்தி மாவட்ட ஆட்சியர் உத்தரவு
இந்நிலையில், பாதிக்கப்பட்டவர்களின் எண்ணிக்கை அதிகரித்து 5 ஆயிரத்தைக் கடந்துள்ளதால் கரோனா பாதிப்பு அதிகமுள்ள கட்டுப்படுத்தப்பட்ட 166 பகுதிகளில் முழு பொதுமுடக்கத்தை அமல்படுத்தி அம்மாவட்ட ஆட்சியர் கண்ணன் உத்தரவிட்டுள்ளார். இதுகுறித்து மாவட்ட ஆட்சியர் கண்ணன் விடுத்துள்ள அறிக்கையில், “தடை செய்யப்பட்ட பகுதிகளில் பொதுமக்கள் நடமாட்டம் இருக்கக் கூடாது. அத்தியாவசியக் கடைகள் தவிர, மற்ற வணிகக் கடைகள் செயல்பட தடை செய்யப்பட்டுள்ளது” என்று தெரிவித்துள்ளார்.
மாவட்டத்தில் இதுவரை 5 ஆயிரத்து 193 பேர் பாதிக்கப்பட்டுள்ளனர். அதில் 2 ஆயிரத்து 203 பேர் சிகிச்சை பெற்று வரும் நிலையில், 2 ஆயிரத்து 947 பேர் தொற்றிலிருந்து பூரண குணமடைந்து வீடு திரும்பியுள்ளனர். இதுவரை தொற்றால் பாதிக்கப்பட்டு 43 பேர் உயிரிழந்துள்ளனர்.