சென்னையில் உள்ள பாஜக தலைமை அலுவலகத்தில் கட்சியின் மாநில தலைவர் தமிழிசை சௌந்தரராஜன் செய்தியாளர்களிடம் கூறியதாவது,
மோடியின் தமிழக வருகையின் போது திருப்பூர் மாவட்டம் பெருமாநல்லூரில் அரசு திட்டங்களுக்கு அடிக்கல் நாட்டிய பின்பு பாஜக பிரச்சார கூட்டத்தில் பங்கேற்பார். திமுக தலைவர் ஸ்டாலின் நடத்தும் கிராமசபை கூட்டம் மூலம் அவரே நகைச்சுவை செய்துவிட்டு, மற்றவர்களை நகைச்சுவை செய்வது சித்தரித்து பேசுகிறார். கிராமசபை கூட்டத்தில் தொடர்ச்சியாக பிரதமர் மோடியை பற்றி விமர்சிக்கும் ஸ்டாலின் முடிந்த அளவிற்கு அனைவரின் காதிலும் பெரிய பூவை சுற்ற நினைக்கிறார் என்பது நிருபணமாகிறது.
நாடாளுமன்ற தேர்தலுக்காக நட்பு ரீதியிலான கூட்டணி பேச்சுவர்த்தை நடைபெற்று வருகிறது. அதிகாரப்பூர்வ பேச்சுவார்த்தை விரைவில் நடைபெற்று கூட்டணி குறித்து அதிகாரப்பூர்வமாக அறிவிக்கப்படும். அதே நேரத்தில் நல்லவர்கள், புதியவர்கள் நாடாளுமன்றதிற்கு செல்லவேண்டும் என்பது பாஜகவின் எண்ணம். அதுமட்டுமின்றி பாஜக தலைமையில் கூட்டணி இல்லை என்றாலும் நிச்சயம் பாஜக மற்ற கட்சிகளின் கூட்டணியில் அங்கம் வகிக்கும்.
இரும்பு பெண்மணி மம்தா என்று கூறும் ஸ்டாலின், 17 லட்சம் மக்களின் பணத்தை கொள்ளையடித்த சாரதா சிட்பன்ட்ஸ் நிறுவனர், மம்தாவின் பாதுகாவலராக இருக்கிறார். அப்படியென்றால் ஸ்டாலினுக்கு மக்கள் மீது இருக்கும் அக்கறையை விட அவர்களின் கூட்டணியில் இருக்கும் மேல் தான் அக்கறை இருக்கிறது என்பது வெட்டவெளிச்சமாகிறது.
யோகி ஆதித்யநாத் இந்த மாதம் தமிழகம் வருகிறார். முடிந்தால் அதனை பீட்டர் அல்போன்ஸ் தடுத்து பார்க்கட்டும். 80 கூட்டங்களில் பங்கேற்ற யோகிஆதித்யநாத் எந்த இடத்திலும் மதத்தை பற்றி பேசவில்லை. 2014 கூட்டணியில் இருந்த தோழமை கட்சிகள் மட்டுமில்லாமல் புதிய தோழமை கட்சிகளும் வருகின்ற தேர்தலில் பாஜகவில் இணையலாம். அதற்கான வாய்ப்புகள் உள்ளது. கட்சியின் தலைமை கூறினால் நாடாளுமன்ற தேர்தலில் நானும் போட்டியிடுவேன், என்றார்.
