சிம்பு வெளியிட்ட 'தேவதாஸ் பிரதர்ஸ்' பட ட்ரெய்லர்!

இயக்குநர் ஜானகிராம் இயக்கியுள்ள 'தேவதாஸ் பிரதர்ஸ்' படத்தின் ட்ரெய்லரை நடிகர் சிம்பு வெளியிட்டுள்ளார்.

ஜானகிராமன் இயக்கத்தில், எட்சட்ரா நிறுவனம் சார்பில் வி.மதியழகன் தயாரித்துள்ள திரைப்படம், தேவதாஸ் பிரதர்ஸ்.

இதில் துருவ், ஷில்பா மஞ்சுநாத், அஜய் பிரசாத், பால சரவணன், சஞ்சிதா ஷெட்டி, மெட்ராஸ் ஜானி ஆகியோர் நடித்துள்ளனர்.

ரொமான்டிக் காமெடி ஜானரில் உருவாகியுள்ள, இப்படத்தின் ட்ரெய்லரை நடிகர் சிம்பு வெளியிட்டுள்ளார். அதில் நான்கு பேர் காதலில் தோல்வியடைந்து, அந்தப் பெண்களை எப்படி பழி வாங்க நினைக்கிறார்கள் என்பதை நகைச்சுவையாக வடிவமைத்துள்ளார், இயக்குநர்.

நகைச்சுவைக்கு பஞ்சமில்லாமல் வெளியாகியுள்ள 'தேவதாஸ் பிரதர்ஸ்' பட ட்ரெய்லர் சமூக வலைதளங்களில் வைரலாகி வருகிறது.