சென்னையில், கரோனா தொற்று வேகமாகப் பரவிவருகிறது. தினமும் ஆயிரத்திற்கும் மேற்பட்டோர் இந்தத் தொற்றால் பாதிக்கப்படுகின்றனர். இதுவரை, சென்னையில் 35 ஆயிரத்துக்கும் மேற்பட்டோர் கரோனா தொற்றால் பாதிக்கப்பட்டுள்ளனர். இதில், 19 ஆயிரத்துக்கும் மேற்பட்டோர் குணமடைந்து வீடு திரும்பியுள்ளனர்.
சென்னையிலுள்ள 15 மண்டலங்களில் மொத்தமாக 39 ஆயிரத்து 537 தெருக்கள் உள்ளன. இந்த 39 ஆயிரத்து 537 தெருக்களில் 31 ஆயிரத்து 736 தெருக்கள் கரோனா தொற்று இல்லாத தெருக்களாக உள்ளன. எஞ்சியுள்ள 7 ஆயிரத்து 801 தெருக்களில் மட்டுமே கரோனா தொற்று பாதிப்பு ஏற்பட்டுள்ளது. மேலும், 6 ஆயிரத்து 20 தெருக்களில் மூன்றுக்கும் குறைவான நபர்களே கரோனாவால் பாதிக்கப்பட்டுள்ளனர். மீதமுள்ள 1,781 தெருக்களில் மூன்று அல்லது மூன்றுக்கும் மேற்பட்ட நபர்கள் பாதிக்கப்பட்டுள்ளனர்.