டெல்லி : கடந்த ஆண்டு செப்டம்பர் 15ஆம் தேதி முதல் செப்டம்பர் 25ஆம் தேதி வரை நடந்த யுபிஎஸ்சி மெயின்ஸ் எனப்படும் முதன்மை தேர்வுகளின் முடிவுகள் தற்போது வெளியாகி உள்ளன. தேர்வர்கள் https://upsc.gov.in/ என்ற அதிகாரப்பூர்வ இணையதளம் மூலம் தேர்வு முடிவுகளை தெரிந்து கொள்ளுமாறு யுபிஎஸ்சி நிர்வாகம் அறிவித்து உள்ளது.
அனைத்து தேர்வர்களின் மதிப்பெண் சான்றிதழும் அடுத்த 15 நாட்களில் இணையளத்தில் பதிவேற்றம் செய்யப்படும் என்று யுபிஎஸ்சி தெரிவித்துள்ளது. மேலும், ஐஏஎஸ், ஐபிஎஸ், ஐஎப்எஸ் உள்ளிட்ட மற்ற மத்திய பணிகளுக்கான நேர்முக தேர்வு தேதி விரைவில் தெரிவிக்கப்படும் என தேர்வு வாரியம் தெரிவித்து உள்ளது.