நெல்லூர்:ஆந்திர மாநிலம், நெல்லூர் மாவட்டத்தில் 14 வயது சிறுமி வீட்டில் தனியாக இருந்தபோது, அவரது நெருங்கிய உறவினர்(மாமா), வீட்டிற்குள் நுழைந்து சிறுமியை பாலியல் வன்கொடுமை செய்ய முயற்சித்துள்ளார். அப்போது சிறுமி கழிப்பறைக்குள் சென்று கதவை மூட முயன்றார்.
ஆனால், கழிப்பறைக்குள்ளும் நுழைந்த அந்த நபர், சிறுமியிடம் அத்துமீறினார். சிறுமி ஒத்துழைக்காததால் ஆத்திரமடைந்த நபர், கழிப்பறையில் இருந்த ஆசிட்டை எடுத்து சிறுமியின் வாயிலும், முகத்திலும் ஊற்றினார். வலி தாங்காமல் சிறுமி அலறியதால், வெளியே சத்தம் கேட்டுவிடக்கூடாது என்பதற்காக கத்தியால் சிறுமியின் கழுத்தை அறுத்துவிட்டு, அங்கிருந்து தப்பியோடிவிட்டார்.