புதுச்சேரி: தொடர் மழையின் காரணமாக நாளை நவ. 8ஆம் தேதி மற்றும் நாளைய மறுதினம் நவ. 9ஆம் தேதி ஆகிய இரண்டு தினங்களில் பள்ளிகளுக்கும் கல்லூரிகளுக்கும் விடுமுறை அறிவிக்கப்பட்டுள்ளது.
கரோனா பரவல் குறைந்ததைத் தொடர்ந்து, புதுச்சேரியில் வரும் நவ. 8ஆம் தேதி முதல் பள்ளிகள் திறக்கப்படும் என்று அறிவிக்கப்பட்டு, நாளை திறக்கப்பட இருந்தது.
இந்நிலையில், புதுச்சேரி மற்றும் அதன் சுற்றுவட்டாரப் பகுதிகளில் பலத்த மழை பெய்தது. இதனால், அணைகள் நிரம்பி வருகின்றன.
நகரங்களில், தாழ்வானப் பகுதிகளில் மழைநீர் ஆங்காங்கே தேங்கியுள்ளது. மேலும், தொடர்மழை காரணமாக, நாளை நவ.08ஆம் தேதி முதல் ஒன்றாம் வகுப்பு முதல் எட்டாம் வகுப்பு வரை பள்ளிகள் திறக்கப்பட இருந்த நிலையில், மழையின் காரணமாக பள்ளிகளுக்கு விடுமுறை அறிவிக்கப்பட்டுள்ளது.