குஜராத்:பொடாட் மாவட்டத்தில் நேற்று (ஜூலை 25) கள்ளச்சாராயம் குடித்த 50-க்கும் மேற்பட்டோர் உடல்நலக்குறைவு ஏற்பட்டு மருத்துவமனைகளில் அனுமதிக்கப்பட்டனர். இன்று காலை நிலவரப்படி மருத்துவமனையில் அனுமதிக்கப்பட்ட 28 பேர் உயிரிழந்தனர். இந்த சம்பவத்தில் மதுபான தயாரிப்பாளர் மற்றும் விற்பனையாளரை போலீசார் கைது செய்தனர்.
இதுதொடர்பாக போலீசார் விசாரணை நடத்தி வந்த நிலையில், மெத்தனால் கலந்த மதுபானத்தை குடித்ததால்தான் இந்த உயிரிழப்புகள் ஏற்பட்டுள்ளதாக தெரிய வந்துள்ளது. இதுகுறித்து போலீசார் கூறுகையில், "அகமதாபாத்தில் உள்ள தனியார் ரசாயன தொழிற்சாலையில் பணிபுரிந்த ஜெயேஷ் என்பவர் சுமார் 600 லிட்டர் மெத்தனாலை திருடி, குஜராத் மற்றும் ஹரியானாவில் பல்வேறு கிராமங்களுக்கு விற்பனை செய்துள்ளார்.