ஜார்க்கண்ட்:சாஹிப்கஞ்ச் பகுதியில் கடந்த சில நாள்களுக்கு முன் ப்ரோமேக்ஸ் ஐபோன் திருடுபோய் உள்ளதாக காவல்துறையினருக்கு புகார் வந்தது. இதையடுத்து காவல்துறையினர் கொள்ளையடித்த நபரைத் தேடி வந்துள்ளனர்.
அந்த ஐபோனில் வைரம் பதிக்கப்பட்டுள்ளதாகவும், விலை 4 லட்சம் ரூபாய் என்பதும் தெரியவந்தது. இந்நிலையில், சாஹிப்கஞ்ச், தீன் பஹார் பகுதியைச் சேர்ந்த ஒருவர் ஐபோனைக் காட்டியவாறு தனது நண்பர்களுடன் செல்ஃபி எடுத்து சமூக வலைதளத்தில் பதிவிட்டுள்ளார்.
இதையறிந்த காவல்துறையினர் சந்தேகத்தின் பேரில் விசாரணை மேற்கொண்டதில், அது திருடு போன வைரம் பதித்த ஐபோன் என்பது தெரியவந்தது. இதையடுத்து காவல்துறையினர் அந்த நபரைக் கைது செய்துள்ளனர்.