சென்னை:புதுச்சேரி காங்கிரஸ் கட்சியிலிருந்து அண்மையில் விலகி பாஜக தேசியத் தலைவர் ஜே.பி. நட்டா முன்னிலையில், பாஜகவில் இணைந்த புதுச்சேரி முன்னாள் அமைச்சர் நமச்சிவாயம் இன்று(ஜனவரி 29) விமானம் மூலம் சென்னை வந்தடைந்தார். அங்கு செய்தியாளர்களைச் சந்தித்துப் பேசிய அவர், நாட்டை வழிநடத்துவதற்குச் சிறப்பான தலைவர் மோடிதான் என்பதை காலம் கடந்து உணர்ந்துவிட்டேன். அதனால், பாஜகவில் இணைந்துள்ளேன். வரும் 31ஆம் தேதி புதுச்சேரிக்கு வரவுள்ள ஜே.பி. நட்டாவுக்கு வரலாறு காணாத வகையில் வரவேற்பு அளிக்கவுள்ளோம்.
புதுச்சேரியை 20ஆண்டுகள் பின்னோக்கி கொண்டுசென்றுவிட்டார், நாராயணசாமி. நான் அமைச்சராக இருந்த துறைக்கு முறையாக நிதி ஒதுக்கீடு செய்யாமல் பாரபட்சம் காட்டியதால்தான், ஒரு அமைச்சரவைக் கூட்டத்தில் பங்கேற்காமல் இருந்தேன். இதனால், டெல்லி தலைமையே எங்கள் இருவரையும் அழைத்துப் பேசியது.