பிரதமர் நரேந்திர மோடியின் தற்சார்பு இந்தியா திட்டத்தின் மூலம், உள்நாட்டு உற்பத்தியை பெருக்க பெரும் திட்டங்கள் வகுக்கப்பட்டு வருகிறது. இச்சூழலில் பொம்மை சந்தையை வளர்க்க இந்திய தொழில் மற்றும் உள்நாட்டு வர்த்தக மேம்பாட்டு துறை பல்வேறு முயற்சிகளை மேற்கொண்டுவருகிறது.
அந்த வகையில், இந்தியாவின் முதல் பொம்மை கண்காட்சியானது இன்று (பிப். 27) முதல் தொடங்கி, மார்ச் 2ஆம் தேதி வரை ஆன்லைன் வாயிலாக நடைபெற உள்ளது. கண்காட்சியை பிரதமர் நரேந்திர மோடி தொடங்கிவைக்கிறார். இந்த பொம்மை கண்காட்சியானது டிஜிட்டல் முறையில் அணுகக்கூடிய முதல் கண்காட்சி மற்றும் தளமாகும்.