உக்ரைனில் உள்ள இந்தியர்களை மீட்க உடனடி நடவடிக்கை தேவை- நாராயணசாமி

உக்ரைன்- ரஷ்யா இடையே போர் ஏற்படும் என்று அறிந்ததும் முன்னெச்சரிக்கை நடவடிக்கையாக இந்தியர்கள் வெளியேற்றுவதற்கான நடவடிக்கையை துரிதப்படுத்தியிருக்க வேண்டும் என புதுச்சேரி முன்னாள் முதலமைச்சர் நாராயணசாமி தெரிவித்துள்ளார்.

இதுதொடர்பாக புதுச்சேரி முன்னாள் முதலமைச்சர் நாராயணசாமி வீடியோ பதிவு வெளியிட்டுள்ளார். அதில் கடந்த 4 நாட்களாக நடைபெற்று வரும் சண்டையில் உக்ரைன் நாட்டின் பல பகுதிகள் கடும் தாக்குதலுக்கு உள்ளாசி இருப்பதகா குறிப்பிடுள்ளார். உக்ரைனில் சுமார் 20 ஆயிரத்திற்கும் மேற்பட்ட இந்திய மாணவர்கள் மருத்துவம் மற்றும் பல்கலைக்கழகங்களில் படித்து வருவதாகவும், இந்த போர் நமது மாணவர்களை கடுமையாக பாதித்துள்ளதாகவும் அவர் கூறினார்.

பதுங்கு குழிகளில் மாணவர்கள்

உக்ரைனின் பல்வேறு இடங்களில் உயிருக்கு பயந்து இந்திய மாணவர்கள் பதுங்கு குழிகள் மற்றும் மெட்ரோ ரயில் நிலைய அடித்தளத்தில் பாதுகாப்புக்காக தங்கியுள்ளதாகவும் அவர் குறிப்பிட்டார். அவர்கள் உணவு இன்றி இன்னல்களை சந்தித்து வருவதாகவும் அவர் தெரிவித்துள்ளார். மேலும் தங்களது பிள்ளைகள் பாதுகாப்பாக வர வேண்டும் என மாநில முதலமைச்சர்களுக்கு கடிதம் எழுதியுள்ளதாகவும், தமிழக முதலமைச்சர் ஸ்டாலின் மற்றும் புதுச்சேரி முதலமைச்சர் ரங்கசாமி ஆகியோர் இந்திய வெளியுறவுத்துறை அமைச்சருக்கு கடிதம் எழுதியுள்ளதாக கூறினார்.

முன்னெச்சரிக்கை நடவடிக்கை

உக்ரைன் ரஷ்யா இடையே போர் ஏற்படும் என்று அறிந்ததும் முன்னெச்சரிக்கை நடவடிக்கையாக இந்தியர்கள் வெளியேற்றுவதற்கான நடவடிக்கையை துரிதப்படுத்தியிருக்க வேண்டும் என்றும், ஆனால் மத்திய அரசு அதை செய்ய தவறி விட்டதாகவும் நாராயணசாம் குற்றம்சாட்டினார்.

மத்திய அரசுக்கு அழுத்தம்

பிரதமர் நரேந்திரமோடி, வெளியுறவுத்துறை அமைச்சருக்கு கடிதம் எழுதியுள்ளதாக கூறிய முன்னாள் முதலமைச்சர் நாராயணசாமி, மேலும் காரைக்கால் மீனவர்களை மீட்க இலங்கை தூதரோடு பேசி இலங்கை அரசை தொடர்புகொண்டு மீனவரகள் மற்றும் படகுகளை திரும்ப பெற முதலமைச்சர் ரங்கசாமி நடவடிக்கை எடுக்க வேண்டும் என்றும் கேட்டுக்கொண்டார். இந்த விவகாரம் தொடராமல் இருக்க மாநில அரசுகள் மத்திய அரசுக்கு அழுத்தம் கொடுக்க வேண்டும் என்றும் கூறினார்.

மருந்து மாத்திரைகள் இல்லை

தொடர்ந்து பேசிய அவர், ஜிப்மர் மருத்துவமனைக்கு வருபவர்கள் அனைவரும் கிராமப்புறத்தில் இருந்து வருகிறார்கள் என்றும், ஜிப்மர் மருத்துவமனையிலும் இலவசமாக மருந்து மாத்திரைகள் வழங்கி வந்தது. ஆனால் தற்போது மருந்து மாத்திரைகள் இல்லை வெளியே வாங்கிக்கொள்ளுங்கள் என்று கூறும் நிலை உருவாகியுள்ளது. ஜிப்மர் மருத்துவமனை நிர்வாகம் இலவசமாக மருந்து மாத்திரைகளை வழங்க வேண்டும் என அவர் கேட்டுக்கொண்டார்.

இதையும் படிங்க :புதுச்சேரிக்கு சுற்றுலா வந்த பெண்களிடம் ஆடை குறித்துப் பேசிய காவலரின் சர்ச்சைப் பேச்சு