இந்து தெய்வங்களை வழிபடும் கடலோர இஸ்லாமிய மக்கள்

இந்து தெய்வங்கள் தங்களது சிக்கல்களை நீக்குவதாகக் கூறுகின்றனர் தட்சிணா கன்னட பகுதியில் வசிக்கும் இஸ்லாமிய மக்கள்.. கோரகஜ்ஜா'

பெங்களூரு:கர்நாடக மாநிலம் மங்களூரு அடுத்த தட்சிணா கன்னடம் பகுதியில் கடலோரம் வசிக்கும் இஸ்லாமிய மக்கள் சுமார் 30 ஆண்டுகளாக இந்துக் தெய்வங்களை வழிபட்டு வருகின்றனர். இதற்கு அவர்கள் கூறும் காரணம் சற்று வித்தியாசமாக இருக்கிறது, ”தட்சிணா கன்னடம் பகுதிக்கு கடந்த 35 ஆண்டுகளுக்கு முன்ரு காசிம் சாஹேப் என்ற இஸ்லாமியர் குடியேறினார். இவர் இங்கு வந்த பிறகு பல்வேறு சிக்கல்களை எதிர்கொண்டு வந்துள்ளார்.

இதனால் மனஉளைச்சலுக்கு உள்ளான காசிம், அக்கம் பக்கத்தினரிடம் விசாரிக்கையில் அவர்கள் இப்பகுதியில் உள்ள கோரகஜ்ஜா எனும் இந்து தெய்வத்தை வழிபடுமாறு கூறியுள்ளனர். அப்படி இல்லையெனில் இந்த சிக்கல்களிலிருந்து விடுபட இப்பகுதியிலிருந்து வெளியேற வேண்டும் எனக் கூறியுள்ளனர். இதனால் அச்சமடைந்த காசிம், கோரகஜ்ஜா தெய்வத்தினை வணங்கத் தொடங்கினார்.

பின்னர் அவரது சிக்கல் சிறிது சிறிதாக விலக ஆரம்பித்ததாகவும் எண்ணினார். இதைத் தொடர்ந்து அவர் தனது வீட்டிற்கு அருகில் ஒரு சிறிய கோயிலைக் கட்டி தினமும் கோரகஜ்ஜாவை வணங்கினார். பின்னர் இந்த சன்னதியில், கோரகஜ்ஜா தைவாவுடன் அவர் கோரத்தி தைவா, குலிகா தைவா மற்றும் துர்கி ஆகியோரையும் வணங்க ஆரம்பித்தார்.

அதுமட்டுமின்றி இது இந்து கடவுள் என்பதால் தன்னை முற்றிலுமாக சைவமாக மாற்றிக்கொண்டார். இதைத் தொடர்ந்து பல்வேறு இஸ்லாமிய குடும்பத்தினரும் இந்த தெய்வ வழிபாட்டை தொடங்கினர்.