டெல்லி:நாடாளுமன்ற சிறப்பு கூட்டத் தொடர் இன்று முதல் ஐந்து நாட்களுக்கு நடக்கிறது. சிறப்பு கூட்டத்தொடர் பழைய நாடாளுமன்றத்தில் தற்போது தொடங்கிய நிலையில் பிரதமர் மோடி மக்கள்வையில் உரையாற்றி வருகிறார்.
மக்களவையில் பேசிய பிரதமர் மோடி, நாடாளுமன்றம் மீது மக்கள் கொண்டு உள்ள நம்பிக்கை தொடர வேண்டும் என தான் விரும்புவதாக தெரிவித்தார். கடந்த 75 ஆண்டுகளாக நாடாளுமன்றத்தின் மீது அசைக்க முடியாதை நம்பிக்கையை மக்கள் கொண்டு இருப்பதாக பிரதமர் மோடி தெரிவித்தார்.
அதிகளவிலான பெண் எம்.பிக்களின் பங்களிப்பு நாடாளுமன்றத்திற்கு பெருமை சேர்த்து உள்ளதாகவும் நாடாளுமன்றத்தின் பெருமையை பெண் எம்.பிக்கள் உயர்த்தி உள்ளதாகவும் பிரதமர் கூறினார். அனைத்து சமூக அமைப்புகளில் உள்ளவர்களும் நாடாளுமன்றத்தில் உள்ளதாகவும் இதனால் நாடளுமன்றத்தின் மீதான மக்களின் நம்பிக்கை அசைக்க முடியாத சூழமை எட்டி உள்ளதாகவும் பிரதமர் மோடி தெரிவித்தார்.
கரோனா காலத்தில் நாடாளுமன்றத்தின் நடவடிக்கைகள் பாதிக்காமல் பார்த்துக் கொண்டதாகவும், நம்மை வழிநடத்தியவர்களுக்கு தலை வணங்கும் வாய்ப்பு தற்போது கிடைத்து இருப்பதாக மோடி குறிப்பிட்டார். நேரு, வாஜ்பாய், மன்மோகன் சிங் போன்ற பிரதமர்கள் நாட்டுக்கு பெருமை சேர்த்து உள்ளதாக பிரதமர் மோடி நினைவு கூர்ந்தார்.