டெல்லி: ஒலிம்பிக்ஸ் 2020 போட்டி கடந்தாண்டு ஜூலை 24ஆம் தேதி டோக்கியோவில் நடைபெறுவதாக இருந்தது. ஆனால், உலகம் முழுவதும் பரவிய கரோனா தொற்று பாதிப்பால், போட்டிகள் ஒத்திவைக்கப்பட்டன.
இந்நிலையில், ஒலிம்பிக் போட்டிகள் வருகிற ஜூலை 23ஆம் தேதி முதல் ஆகஸ்ட் 8 ஆம் தேதி வரை நடைபெற உள்ளன. இதில் பங்கேற்க 190 பேர் கொண்ட வலுவான இந்தியா அணி தயார்ப்படுத்தப்பட்டு வருகிறது.
இந்நிலையில், டோக்கியோ ஒலிம்பிக் போட்டிக்காக இந்திய அணிக்கான 'தீம்' பாடல் நேற்று (ஜூன்.23) அறிமுகம் செய்யப்பட்டது. 'லக்ஷிய தேரா சாம்னே ஹே' (Lakshya Tera Samne Hai) என்ற அந்தப் பாடலை மோஹித் சௌஹான் இசையமைத்துப் பாடியுள்ளார்.