INDIA vs NDA: பாஜகவிற்கு எதிராக 400 இடங்களில் 'இந்தியா' கூட்டணி போட்டி - சஞ்சய் நிருபம் தகவல்

INDIA Alliance Meeting in Mumbai: ஆக.31 முதல் செப்.1 வரை மும்பையில் 'இந்தியா' கூட்டணியின் ஆலோசனை கூட்டம் நடைபெற உள்ளதாகவும், உத்தவ் தாக்கரே தலையிலான சிவசேனா - காங்கிரஸ் கூட்டணியால் மகாராஷ்டிராவில் 'இந்தியா' கூட்டணிக்கு வெற்றி வாய்ப்புள்ளதாகவும் மூத்த காங்கிரஸ் தலைவர் சஞ்சய் நிருபம் தெரிவித்துள்ளார்.

டெல்லி:2024 நாடாளுமன்ற தேர்தலுக்கான வேலையில் அகில இந்திய காங்கிரஸ், பாஜக, ஆம் ஆத்மி, பகுஜன் சமாஜ்வாதி, ஜனதா தளம் உள்ளிட்ட பல்வேறு அரசியல் கட்சிகளும் தயாராகி வருகின்ன. இதற்கிடையே, மத்தியில் ஆளும் பாஜக கூட்டணியும், காங்கிரஸ் கூட்டணியும் நேருக்கு நேராக தங்களுக்குள் பலப்பரீட்சை செய்ய தொடங்கியுள்ளன. பிரதமர் நரேந்திர மோடி தலைமையிலான, பாஜக அரசை கவிழ்த்தி ஆட்சியைப் பிடிக்க திட்டமிட்டுள்ள காங்கிரஸ் தலைமையிலான 'இந்தியா' கூட்டணி நாடு முழுவதும் மொத்தமுள்ள 543 தொகுதிகளில் 400 தொகுதி வரையில் பாஜகவை எதிர்த்து போட்டியிடும் என்றும் காங்கிரஸ் மூத்த தலைவர் சஞ்சய் நிருபம் தெரிவித்துள்ளார்.

உத்திரப் பிரதேசம் , தெலங்கானா, ஒடிஷா போன்ற மாநிலங்களில் காங்கிரஸ் அல்லாத பிற கட்சிகளும் அல்லது சுயேட்சை வேட்பாளர்களும் போட்டியிடுவது பற்றி தங்களுக்கு கவலையில்லை என்றும் காரணம் அங்கெல்லாம் பாஜக வேட்பாளரை நிறுத்த முடியாது என்றும் அவர் கூறியுள்ளார்.

முன்னாள் மக்களவை எம்பியும், முன்னாள் மும்பை யூனிட் தலைவருமான மும்பையை சேர்ந்த ஃபயர் பிராண்ட் காங்கிரஸ் தலைவரான சஞ்சய் நிருபம், வரும் ஆக.31 மற்றும் செப்.1 ஆம் தேதிகளில் மும்பையில் 'இந்தியா' கூட்டணியின் முக்கியமான கூட்டம் நடைபெற உள்ளது. இதற்கு முன்னால் பாட்னா மற்றும் பெங்களூருவில் நடந்த இக்கூட்டணியின் ஆலோசனை கூட்டத்திற்கு பின்னர், தங்களது கூட்டணி பலமடைந்து வருவதாகவும் அவர் தெரிவித்துள்ளார்.

முதலாவதாக பாட்னாவில் கடந்த ஜூன் 23-ல் நடந்த ஆலோசனை கூட்டத்தில் 16 கட்சிகள் கலந்துகொண்டன. இரண்டாவதாக பெங்களூருவில் நடந்த ஆலோசனை கூட்டத்தில் 26 கட்சிகள் பங்கேற்றதுடன் கூட்டணிக்கான பெயரையும் 'இந்தியா' (INDIA Alliance) என்று ஒருமனதாக உறுதி செய்யப்பட்டது. அடுத்ததாக மும்பையில் நடக்கும் இக்கூட்டத்தில் விவசாயிகள் அமைப்பான 'ஷேத்காரி சங்கதன்' தங்களது கூட்டணியில் கைகோர்க்க உள்ளதாகவும் தெரிவித்துள்ளார். மகாராஷ்டிராவில் அதிக ஆதிக்கம் கொண்ட இவ்வமைப்பை கூட்டணிக்கு வரவேற்பதாகவும் கூறியுள்ளார்.

காங்கிரஸின் மூத்த தலைவர்களின் கூற்றுப்படி, 'இந்தியா' கூட்டணியில் உள்ள அனைத்து கட்சிகளுக்கும் இடையே தகவல் பரிமாற்றம் சீராக அமைவதை கண்காணிக்க 11 பேர் கொண்ட குழு அமைக்கப்படும் என்றும், இக்குழு அனைத்து கூட்டணி கட்சிகளுக்கு இடையேயான பரஸ்பர உறவை ஏற்படுத்துவதற்கு முக்கியத்துவம் அளிப்பார்கள் என்றும் அவர் தெரிவித்துள்ளார்.

இடப் பங்கீட்டைப் பொறுத்தவரை, மகாராஷ்டிராவில் காங்கிரஸ் - உத்தவ் தாக்கரே தலைமையிலான சிவசேனா தலைமையிலான கூட்டணி ஏற்கனவே செயல்பட்டு வருவதால், அம்மாநிலத்தில் தொகுதி பங்கீடு பணிகள் எளிமையாக உள்ளதாகவும் நிருபம் தெரிவித்துள்ளார்.

முன்னதாக இந்த உத்தவ் தாக்கரே தலைமையிலான சிவசேனா மற்றும் காங்கிரஸ் எம்எல்ஏக்களை பாஜக தன்வசம் இழுத்துக்கொண்ட நிலையிலும், இன்னும் பிற வாக்காளர்கள் உத்தவ் தாக்கரே மற்றும் சரத் பவாருடன் உள்ளதாகவும் கூறினார். இதனால், மஹா விகாஸ் அகாடி (MVA) கூட்டணிக்கு 60 சதவீதம் வாக்குகளை பெற்றதாகவும், மேலும் மாநிலத்தில் மொத்தமுள்ள 48 மக்களவைத் தொகுதிகளில் 40-க்கும் மேல் வெற்றி பெறும் நிலையில் உள்ளது” என்று நிருபம் கூறினார். இதுமட்டுமில்லாது, தங்களுடன் பல தொழிலாளர் அமைப்புகள் இணைய உள்ளதாலும் காங்கிரஸ் கூட்டணியின் வரும் காலத்தில் வெற்றியை நோக்கி பயணிக்கும் என்றும் அவர் நம்பிக்கை தெரிவித்துள்ளார்.

இதையும் படிங்க: ADITYA L1: அடுத்த டார்கெட் சூரியன்.. செப்.2ல் விண்ணில் பாய்கிறதா இஸ்ரோவின் அடுத்த இலக்கு?