60 ஆயிரமாக குறைந்த தினசரி கரோனா பாதிப்பு

இந்தியாவில் கரோனா தொற்றால் பாதிக்கப்படுவோரின் தினசரி எண்ணிக்கை 60 ஆயிரமாகக் குறைந்துள்ளது.

இந்தியாவில் கடந்த 24 மணி நேரத்தில் 60 ஆயிரத்து 753 பேர் கரோனா தொற்றால் பாதிக்கப்பட்டுள்ளனர். மொத்தப் பாதிப்பு எண்ணிக்கை இரண்டு கோடியே 98 லட்சத்து 23 ஆயிரத்து 546ஆக உள்ளது.

கேரளா, கர்நாடகா, ஆந்திரா, தமிழ்நாடு ஆகிய மாநிலங்களில் அதிகளவில் கரோனா தொற்று பாதிப்புகள் கண்டறியப்பட்டுள்ளன.

குறிப்பாக கேரளாவில் நேற்று (ஜூன் 18) ஒரேநாளில் 11 ஆயிரத்து 361 பேருக்குத் தொற்று பாதிப்பு உறுதிசெய்யப்பட்டுள்ளது. இந்த எண்ணிக்கை மற்ற மாநிலங்களைவிட அதிகமாகும்.

அடுத்தபடியாக மகாராஷ்டிர மாநிலம் உள்ளது. அங்கு, ஒன்பதாயிரத்து 798 பேருக்குத் தொற்று பாதிப்பு கண்டறியப்பட்டுள்ளது.

நேற்று (ஜூன் 18) மட்டும் 1,647 பேர் சிகிச்சைப் பலனின்றி உயிரிழந்தனர். இதனைத் தொடர்ந்து, உயிரிழந்தோரின் மொத்த எண்ணிக்கை மூன்று லட்சத்து 85 ஆயிரத்து 137 ஆக உயர்ந்துள்ளது.

தொற்றிலிருந்து குணமடைந்தோர் எண்ணிக்கை இரண்டு கோடியே 86 லட்சத்து 78 ஆயிரத்து 390 ஆக உள்ளது. தற்போது ஏழு லட்சத்து 60 ஆயிரத்து 19 பேர் சிகிச்சை பெற்றுவருகின்றனர்.

இதுவரை, மொத்தம் 27 கோடியே 23 லட்சத்து 88 ஆயிரத்து 783 பேருக்குத் தடுப்பூசி செலுத்தப்பட்டுள்ளதாக ஒன்றிய சுகாதாரத் துறை அமைச்சகம் தகவல் தெரிவித்துள்ளது.

இதையும் படிங்க:'கரோனா 3ஆம் அலையால் குழந்தைகளுக்குப் பாதிப்பு இருக்காது'