புதுச்சேரி: நேருவீதி, காந்திவீதி, பாரதிவீதி சந்திப்பில் உள்ளது பெரிய மார்க்கெட் என்கிற குபேர் மார்க்கெட். இந்த மார்க்கெட்டில் பாரதிவீதியில் அமைத்துள்ளது பூ மார்க்கெட், இந்தப் பூ மார்க்கெட்டில் காண்டீபன் என்பவர் கடை வைத்து நடத்திவருகின்றார்.
இவரது கடையில் பணியாற்றும் காரைக்கால் பகுதியைச் சேர்ந்த ஆனந்தன் என்பவர் நேற்று (பிப்ரவரி 17) அவரது கடைக்கு அருகில் உள்ளவர்களுடன் மது அருந்தி உள்ளனர்.
அப்போது பாலாஜி, பாலகிருஷ்ணன் உள்ளிட்ட நான்கு பேர் இவருடன் மது அருந்தியுள்ளனர். அப்போது இவர்களுக்குள் தகராறு ஏற்பட்டுள்ளது. இதனையடுத்து பூக்கடையில் உள்ள கத்தியைக் கொண்டு ஆனந்தனை சரமாரியாக வெட்டியும், கழுத்தறுத்து கொன்றுவிட்டு தப்பியோடி உள்ளனர்.
இது குறித்து தகவல் அறிந்தவுடன் பெரியகடை காவல் துறையினர் சம்பவ இடத்திற்குச் சென்று, ஆனந்தன் உடலைக் கைப்பற்றினர். பின்னர் பாலாஜி, பாலகிருஷ்ணன் ஆகிய இருவரையும் கைதுசெய்து விசாரணை மேற்கொண்டுவருகின்றனர். இதில் சம்பந்தப்பட்ட மேலும் இருவரைத் தேடிவருவதாகவும் தெரிவித்துள்ளனர்.
இதையும் படிங்க: பெற்ற குழந்தையை விற்ற தாய் - ஒன்பது பேர் கைது!