MP Train Accident: மத்தியபிரதேசத்தில் சரக்கு ரயில்கள் நேருக்கு நேர் மோதி விபத்து!

மத்திய பிரதேச மாநிலம், ஷாதோல்(shahdol) பகுதியில் இரண்டு சரக்கு ரயில்கள் நேருக்கு நேர் மோதி விபத்துக்குள்ளாகின. இதில் ஓட்டுநர் உயிரிழந்தார்.

மத்தியபிரதேசம்: மத்தியபிரதேச மாநிலம், ஷாதோல்(Shahdol) பகுதியில் சிங்பூர் ரயில் நிலையம் அருகே இன்று(ஏப்.19) இரண்டு சரக்கு ரயில்கள் நேருக்கு நேர் மோதி விபத்துக்குள்ளாகின. இதில் இரண்டு ரயில்களின் எஞ்சின்களும் தீப்பற்றி எரிந்தன. இதனால் ரயில் பெட்டிகளும் தீப்பற்றி எரியத் தொடங்கின.

இந்த கோர விபத்தில் ஓட்டுநர் உயிரிழந்ததாக தெரிகிறது. ரயில்வே ஊழியர்கள் சிலர் காயமடைந்துள்ளனர். இது குறித்து தகவலறிந்து சம்பவ இடத்துக்கு விரைந்த ரயில்வே மீட்புப் படையினர், காயமடைந்தவர்களை மீட்டு மருத்துவமனையில் அனுமதித்தனர்.

மேலும் பலர் இந்த விபத்தில் சிக்கியிருக்கக்கூடும் என அஞ்சப்படுகிறது. அதனால், மீட்புப் படையினர் தொடர்ந்து தேடும் பணியில் ஈடுபட்டு வருகின்றனர். இந்த விபத்து காரணமாக, பிலாஸ்பூர் - கட்னி இடையே ரயில் போக்குவரத்து பாதிக்கப்பட்டுள்ளது.