கடைசி நேரத்தில் கிரண் பேடி பிறப்பித்த ஆணையால் சர்ச்சை

புதுச்சேரி ஆளுநர் மாளிகையில் பணியாற்றிய வடமாநில ஊழியர்களை மட்டும் பணி நிரந்தரம் செய்து முன்னாள் துணை நிலை ஆளுநர் கிரண்பேடி உத்தரவிட்டிருப்பது சர்ச்சையை எழுப்பியுள்ளது.

புதுச்சேரி: துணை நிலை ஆளுநராக கிரண்பேடி பதவி வகித்த போது, அரசு துறைகளில் பணியாற்றிய ஊழியர்கள் டெபுடேசன் அடிப்படையில் ஆளுநர் மாளிகையில் பணிபுரிந்தனர். ஆளுநர் மாளிகையில் அதிக செலவு ஏற்படுகிறது, அதிக அளவில் ஊழியர்கள் இருப்பதாகவும் அம்மாநில முதலமைச்சர் குற்றம்சாட்டியிருந்தார்.

இதனால் பல ஊழியர்கள் அவர்களது பணிக்குத் திருப்பி அனுப்பப்பட்டனர். இதில் வட மாநிலத்தை சேர்ந்த மூன்று ஊழியர்களை கிரண் பேடி மீண்டும் ஆளுநர் மாளிகைக்கு அழைத்ததுடன் அவர்களை பணி நிரந்தரம் செய்து கடந்த 15ஆம் தேதி உத்தரவிட்டுள்ளார்.

கிரண்பேடி பிறப்பித்த ஆணை

புதுச்சேரியில் 10 ஆயிரத்துக்கு மேற்பட்ட ஊழியர்கள் பல மாதங்களாக சம்பளம் இன்றியும் பதவி உயர்வும் இன்றியும் பணியாற்றி வரும் நிலையில் வடமாநில ஊழியர்களுக்கு மட்டும் கிரண்பேடி சலுகை அளித்து அந்த உத்தரவினைப் பிறப்பித்திருக்கிறார்.

இதனையடுத்து, கிரண்பேடி பிறப்பித்த உத்தரவிற்கு எதிராக அரசு ஊழியர்கள் சங்கங்கள் குற்றச்சாட்டி வருகின்றனர்.