அமெரிக்க அதிபர் தேர்தலில் வெற்றிபெற்றுள்ள பைடனுக்கு உலக தலைவர்கள் வாழ்த்து தெரிவித்துவருகின்றனர். இந்நிலையில், பைடன் துணை அதிபராக இருந்தபோது, இந்திய, அமெரிக்க உறவை வலுப்படுத்த அவர் மேற்கொண்ட முயற்சி முக்கித்துவம் வாய்ந்ததாக அமைந்தது என பிரதமர் மோடி புகழாரம் சூட்டியுள்ளார்.
இதுகுறித்து அவர் தனது ட்விட்டர் பக்கத்தில், "மாபெரும் வெற்றிபெற்றுள்ள ஜோ பைடனுக்கு வாழ்த்துகள். பைடன் துணை அதிபராக இருந்தபோது, இந்திய, அமெரிக்க உறவை வலுப்படுத்த அவர் மேற்கொண்ட முயற்சி விலைமதிப்பற்றது, முக்கித்துவம் வாய்ந்ததாக அமைந்தது. இணக்கமாக செயல்பட்டு இந்திய, அமெரிக்க உறவை அடுத்த கட்டத்திற்கு எடுத்தச் செல்ல எதிர்நோக்கி காத்துக் கொண்டிருக்கிறேன்" என பதிவிட்டுள்ளார்.