பிறந்தநாளில் 12ஆவது மாடியிலிருந்து விழுந்து உயிரிழந்த ஒரு வயது குழந்தை

நொய்டா அருகே அடுக்குமாடி குடியிருப்பிலிருந்து ஒரு வயது ஆண் குழந்தை தவறிவிழுந்து உயிரிழந்த சம்பவம் பெரும் சோகத்தை ஏற்படுத்தியுள்ளது.

உத்தரப் பிரதேச மாநிலம் நொய்டா இடத்தில் பிஸ்ராக் பகுதி அமைந்துள்ளது. அங்குள்ள அடிக்குமாடி குடியிருப்பில் ஏராளமான குடும்பங்கள் வசிக்கின்றன. இதற்கிடையில் குடியிருப்பின் 12ஆவது மாடியில் வசிக்கும் ஒரு குடும்பத்தினரின், ஆண் குழந்தைக்கு நேற்று (ஆகஸ்ட் 23) முதலாவது பிறந்தநாள்.

இதனையொட்டி குழந்தையின் பெற்றோர், உறவினர்கள் பிறந்தநாள் விழா ஏற்பாட்டில் பிஸியாக இருந்தனர். அப்போது தவழ்ந்து வீட்டின் வெளியே சென்ற குழந்தை 12ஆவது மாடியிலிருந்து கீழே விழுந்து உயிரிழந்தது. மேலும் மாடிப்படி இரும்பினால் செய்யப்பட்டிருந்தாலும், நிறைய வளைவுகள் அதில் இருந்ததால்தான் குழந்தை எளிதாக இடையே உள்ள கேப்பில் விழுந்ததாகக் கூறப்படுகிறது.

பின்னர் இது தொடர்பாக தகவலறிந்து சம்பவ இடத்திற்குச் சென்ற காவல் துறையினர், இது குறித்து வழக்குப்பதிவு செய்து விசாரணை மேற்கொண்டுவருகின்றனர். பிறந்தநாளன்று ஒரு வயது ஆண் குழந்தை உயிரிழந்த சம்பவம் குடும்பத்தினர் மத்தியில் பெரும் சோகத்தை ஏற்படுத்தியுள்ளது.

இதையும் படிங்க:உத்தரகாண்டில் நிகழ்ந்த திடீர் நிலச்சரிவு - காணொலி