சோதனை காலத்தில் திருவிழாக்கள் புத்துயிர் அளிக்கட்டும் - குடியரசு துணை தலைவர்

டெல்லி: கரோனா போன்ற சோதனை காலத்தில் திருவிழாக்கள் மனதில் புத்துயிர் அளித்து வாழ்க்கையின் வழிகாட்டியாக இருக்க வேண்டும் என குடியரசு துணை தலைவர் வெங்கையா நாயுடு புத்தாண்டு வாழ்த்துகளை தெரிவித்துள்ளார்.

நாட்டின் பல்வேறு மாநிலங்களில் இன்றும், நாளையும் புத்தாண்டு கொண்டாடப்படவுள்ளது. இதனை முன்னிட்டு குடியரசு துணை தலைவர், பிரதமர் ஆகியோர் தனது வாழ்த்து செய்திகளை வெளியிட்டுள்ளனர்.

குடியரசுத் துணைத் தலைவர் வெங்கையா நாயுடு வெளியிட்டுள்ள வாழ்த்து செய்தியில், "சோதனை காலத்தில் இம்மாதிரியான திருவிழாக்கள் நம் மனதில் புத்துயிர் அளித்து வாழ்க்கையின் திசையில் வழிக்காட்டியாக இருக்க வேண்டும்" என தெரிவித்துள்ளார்.

ஒடியா புத்தாண்டு குறித்து பிரதமர் மோடி, "இந்தாண்டு அனைவரின் வாழ்க்கையிலும் மகிழ்ச்சியை பெருக்கி நல்ல உடல்நிலையை அளிக்கட்டும்" என தெரிவித்துள்ளார்.

கரோனா அச்சுறுத்தலைத் தொடர்ந்து அமல்படுத்தப்பட்டுள்ள ஊரடங்கால் திருவிழாக்களை கொண்டாட முடியாமல் மக்கள் தவித்துவருவது குறிப்பிடத்தக்கது.

இதையும் படிங்க: ஜாலியன் வாலாபாக் படுகொலை: பிரதமர் நரேந்திர மோடி அஞ்சலி