மது வாங்க பணம் தராத தாயைக் கொன்ற குடிகாரன்!

கோண்டா: மது வாங்க பணம் தராததால் ஆத்திரம் அடைந்த குடிகாரன் தனது தாயைக் கத்தியால் குத்திக் கொன்ற கொடூரச் சம்பவம் நிகழ்ந்துள்ளது.

உத்தரப் பிரதேசம் கோண்டா மாவட்டம் சரையா கிராமத்தைச் சேர்ந்தவர் சஞ்சய் சுக்லா. தீவிர குடிப்பழக்கமுள்ள இவர் மது வாங்க அவருடைய தாயிடம் பணம் கேட்டுள்ளார். ஆனால், சஞ்சயின் தாய் பணம் கொடுக்க மறுத்தார்.

இதனால் ஆத்திரமடைந்த சஞ்சய் தன் தாயை கத்தியால் குத்திவிட்டு தப்பிவிட்டார். இது குறித்து சஞ்சயின் பாட்டி ஷஷாங் சுக்லா பாராஸ்பூர் காவல் நிலையத்தில் புகாரளித்தார். இதையடுத்து, காவல் துறையினர் சஞ்சயைத் தீவிரமாகத் தேடிவருகின்றனர்.

சஞ்சயின் பாட்டி கூறும்போது, ”சஞ்சய் மது அருந்திவிட்டு குடும்பத்தில் தகராறு செய்வான். சில சமயங்களில் அவனுடைய மனைவியை அடித்து சித்ரவதை செய்வான். இதனால் அவனது மனைவி தாய் வீட்டிற்குச் சென்றுவிட்டாள்” என்றார்.

இதையும் படிங்க:பயங்கரவாதி அப்துல் கரீம் கைது: கொல்கத்தா காவல் துறை நடவடிக்கை