தெலங்கானா மாநிலம் நிஜாமாபாத் மாவட்டத்தில் உள்ள டிச்பல்லி என்னும் பகுதியில் இன்று அதிகாலை ஸ்கார்பியோ கார் கட்டுப்பாட்டை இழந்து லாரியின் மீது மோதி விபத்துக்குள்ளானது.
இதில் காரில் வந்த ஒரே குடும்பத்தைச் சேர்ந்த அனிஷ் (32), ஸ்டாலின் (21), அனலியா (15) ஆகியோர் உயிரிழந்தனர். மேலும், காயமடைந்த இருவரை அங்கிருந்தவர்கள் மீட்டு சிகிச்சைக்காக மருத்துவமனைக்கு அனுப்பிவைத்தனர்.
பின்னர், தகவலறிந்து சம்பவ இடத்திற்கு வந்த காவல் துறையினர் உயிரிழந்தவர்களின் உடலை மீட்டு உடற்கூறாய்வுக்காக மருத்துவமனைக்கு அனுப்பிவைத்தனர். மேலும், இச்சம்பவம் குறித்து காவல் துறையினர் விசாரணை நடத்திவருகின்றனர்.
முதல்கட்ட விசாரணையில், காரில் வந்தவர்கள் பிகார் மாநிலத்திலிருந்து கேரளாவிலுள்ள கோழிக்கோடு பகுதிக்குச் சென்றுகொண்டிருந்தவர்கள் என்பது தெரியவந்தது.
இதையும் படிங்க: உத்தரப் பிரதேசத்தில் இரண்டு லாரிகள் மோதி விபத்து; 24 பேர் உயிரிழப்பு