திரிபுரா தலைநகர் அகர்தலாவில் கடந்த சனிக்கிழமையன்று, பாஜக பொதுக்கூட்டம் நடைபெற்றது. இக்கூட்டத்தில் பிரதமர் மோடி கலந்து கொண்டார். அக்கூட்டத்தில் கர்ஜி-பிலோனியா இடையேயான ரயில் தடத்தை மோடி தொடக்கி வைத்து உரையாற்றினார். அப்போது, திரிபுரா ஆளுநர் கப்தான் சிங் சோலங்கி, மாநில முதல்வர் பிப்லப் தேவ் ஆகியோர் உடனிருந்தனர்.
மேடைக்கு இடது புறமாக இவர்கள் அனைவரும் இருந்த நிலையில், அவர்களுக்கு நேர் எதிராக திரிபுரா இளைஞர் நலன் மற்றும் விளையாட்டுத்துறை அமைச்சர் மனோஜ் காந்தி தேவ், சமூகநலத்துறைக்கு பொறுப்பேற்றிருக்கும் பெண் அமைச்சரும், பழங்குடியின இளம் தலைவருமான சாந்தனா சக்மா ஆகியோர் நின்றிருந்தனர்.