குடியரசு தினத்தை முன்னிட்டு குடியரசுத் தலைவர் நாட்டு மக்களுக்கு உரை நிகழ்த்துவது வழக்கம். நாட்டின் 71ஆவது குடியரசு தினத்தை முன்னிட்டு குடியரசுத் தலைவர் ராம்நாத் கோவிந்த் ஆற்றிய உரையில், "சட்டப்பேரவை, நிர்வாகம், நீதித்துறை ஆகிய மூன்றின் அடிப்படையில் நவீன இந்தியா இயங்கிவருகிறது. மூன்றும் ஒன்றுக்கொன்று பின்னிப் பிணைந்தவை.
அடிப்படையில் மக்களால்தான் இந்த அமைப்பு இயங்குகிறது. குடியரசை இயக்குவதே மக்கள்தான். எதிர்காலத்தை தீர்மானிக்கும் அதிகாரம் மக்களிடம்தான் உள்ளது. கொள்கைகள் வேறாக இருந்தாலும் நாட்டின் வளர்ச்சிக்காகவும் மக்களின் நலனுக்காகவும் எதிர்க்கட்சிகளுடன் இணைந்து அரசு இயங்க வேண்டும்.