தேர்தல் ஆணையர் பதவியிலிருந்த அசோக் லவசா, ஆசிய வளர்ச்சி வங்கியின் துணைத் தலைவர் பொறுப்பை ஏற்றதைத் தொடர்ந்து தேர்தல் ஆணையர் பதவியை ராஜினாமா செய்தார். இதையடுத்து, அவருக்கு பதிலாக ஓய்வு பெற்ற முன்னாள் ஐஏஎஸ் அலுவலரும், முன்னாள் நிதித்துறை செயலருமான ராஜிவ் குமார் புதிய இந்திய தேர்தல் ஆணையராக இன்று (செப்.01) பொறுப்பேற்றுள்ளார். இவர் இந்திய தலைமை தேர்தல் ஆணையர் சுனில் அரோரா, தேர்தல் ஆணையர் சுஷில் சந்திரா ஆகியோருடன் இணைந்து செயல்படவிருக்கிறார்.
பிப்ரவரி 19, 1960இல் பிறந்த ஸ்ரீ ராஜிவ் குமார், 1984இல் ஐஏஎஸ் அலுவலராக பணியாற்றினார். இந்திய அரசு சேவையில் 36 ஆண்டுகளுக்கும் மேலாக பணியாற்றிய ஸ்ரீ ராஜிவ் குமார், பல்வேறு அமைச்சகங்களிலும், பிகார் / ஜார்க்கண்ட் மாநில ஊழியராகவும் பணியாற்றியுள்ளார்.