பிகார் முன்னாள் முதலமைச்சர் லாலு பிரசாத் யாதவின் மூத்த மகன் தேஜ் பிரதாப் யாதவ். இவரின் மனைவி ஐஸ்வர்யா ராய். இருவருக்கும் தகராறு ஏற்பட்ட நிலையில், பாட்னாவிலுள்ள காவல் நிலையத்தில் தேஜ் பிரதாப் யாதவ், அவரின் தாயார் ராப்ரி தேவி ஆகியோருக்கு எதிராக தன்னை தாக்கியதாக ஐஸ்வர்யா ராய் புகார் அளித்துள்ளார். தேஜ் பிரதாப் யாதவும் ஐஸ்வர்யா ராயும் பிரிந்து வாழ்ந்துவருவதால், திருமணத்தின்போது கொடுத்த வரதட்சணையை திருப்பிக் கொடுக்குமாறு ராப்ரி தேவிக்கு ஐஸ்வர்யாவின் தாயார் பூர்ணிமா தேவி நோட்டீஸ் அனுப்பியுள்ளார்.
இதனைத் தொடர்ந்து வரதட்சணையாகப் பெற்ற அனைத்துப் பொருள்களையும் ராப்ரி தேவி திருப்பி அனுப்பியுள்ளார். ஆனால், திருப்பி அனுப்பிய வரதட்சணையை ஏற்க ஐஸ்வர்யா ராய் மறுத்துள்ளார். மேலும் சர்ச்சைக்குரிய பொருட்களை அனுப்பி தன்னை பிரச்னையில் சிக்க வைக்க லாலுவின் குடும்பம் முயற்சி செய்வதாக ஐஸ்வர்யா ராய் குற்றஞ்சாட்டியுள்ளார்.