மாநிலங்களவைத் தேர்தலில் பிரியங்கா காந்தி போட்டியா? காரணம் என்ன?

டெல்லி: பிரியங்கா காந்தி வசித்துவரும் வீட்டைக் காலிசெய்ய மத்திய அரசு சம்மன் அனுப்பலாம் என தகவல் வெளியான நிலையில், அதைத் தடுக்கும் நோக்கில் அவரை மாநிலங்களவை உறுப்பினராக்க காங்கிரஸ் திட்டமிட்டுள்ளதாக தகவல் வெளியாகியுள்ளது.

டெல்லியில் உள்ள லோதி எஸ்டேட் பங்களாவில் காங்கிரஸ் பொதுச்செயலாளர் பிரியங்கா காந்தி 1997ஆம் ஆண்டு முதல் வசித்துவருகிறார். இதனிடையே, அவருக்கு சிறப்புப் பாதுகாப்புக் குழு திரும்பப்பெறப்பட்டது.

இதனால், அவர் வசிக்கும் டெல்லி வீட்டைக் காலிசெய்ய மத்திய அரசு சம்மன் அனுப்பலாம் என தகவல் வெளியானது. இதை தடுக்கும் நோக்கில்தான், மாநிலங்களவைத் தேர்தலில் அவரை போட்டியிட வைக்கலாம் என காங்கிரஸ் திட்டமிட்டுவருவதாக கூறப்படுகிறது.

சத்தீஸ்கர், மத்தியப் பிரதேசம் ஆகிய மாநிலங்களைச் சேர்ந்த காங்கிரஸ் மூத்தத் தலைவர்கள் பிரியங்கா காந்தியை தங்கள் மாநிலத்திலிருந்து மாநிலங்களவை உறுப்பினராகத் தேர்ந்தேடுக்க வேண்டும் என கோரிக்கை விடுத்திருந்தனர்.

இதையும் படிங்க: 'ரூ.4 கோடி செலவில் மரங்கள்'- ட்ரம்பை வரவேற்க தயாராகும் குஜராத்