மாணவியை பாலியல் வன்கொடுமை செய்த இளைஞருக்கு வலைவீச்சு!

புதுச்சேரி: 12ஆம் வகுப்பு மாணவியை பாலியல் வன்கொடுமை செய்த இளைஞரை காவல்துறையினர் தேடிவருகின்றனர்.

புதுச்சேரி அரியாங்கும்பம் வீராம்பட்டிணத்தைச் சேர்ந்த 12ஆம் வகுப்பு படிக்கும் மாணவியை அந்த பகுதியைச் சேர்த்த கலைவாணன் (23) என்ற இளைஞர் பாலியல் வன்கொடுமை செய்துள்ளார்.

இதுகுறித்து குழந்தைகள் நலக்குழுவுக்கு புகார் வந்தது. அதன் தலைவர் ராஜேந்திரன் தலைமையிலான குழுவினர் விசாரணை நடத்தி, பின்னர் மூத்த காவல் கண்காணிப்பாளரிடம் புகார் அளித்துள்ளனர்.

இதுகுறித்து நடவடிக்கை எடுக்கக் கோரி அரியாங்கும்பம் காவல்துறையினரை மூத்த காவல் கண்காணிப்பாளர் அனுப்பி வைத்துள்ளார். அந்த இளைஞர் மீது வழக்குப்பதிவு செய்து காவல்துறையினர் தற்போது தேடிவருகின்றனர்.