"பிரிட்டன் புதிய பிரதமர் போரிஸ் ஜான்சனுக்கு மோடி வாழ்த்து"

டெல்லி: பிரிட்டனின் புதிய பிரதமராக பதவியேற்றுள்ள போரிஸ் ஜான்சனுக்கு, பிரதமர் நரேந்திர மோடி ட்விட்டரில் வாழ்த்துக் கூறியுள்ளார்.

பிரிட்டனின் புதிய பிரதமராக போரிஸ் ஜான்சன் பதவியேற்றுள்ளார். ஆளும் கன்சர்வேட்டிவ் கட்சியைச் சேர்ந்த இவருக்கு உலக நாட்டு தலைவர்கள் வாழ்த்துக்கூறி வருகின்றனர்.

இந்நிலையில், பிரதமர் நரேந்திர மோடியும் தனது ட்விட்டர் பக்கத்தில் வாழ்த்துக் கூறியுள்ளார்.

அதில், " பிரிட்டன் பிரதமராக பதவியேற்றுள்ள போரிஸ் ஜான்சனுக்கு என்னுடையே வாழ்த்துக்களை தெரிவித்துக் கொள்கிறேன்.

இந்தியா - பிரிட்டன் இடையேயான நல்லுறவை மேலும் வலுப்படுத்துவதில், தங்களுடன் இணைந்து செல்பட காத்திருக்கிறேன்" எனத் தெரிவித்துள்ளார்.