அரசுமுறைப் பயணம் முடிந்து டெல்லி திரும்பிய பிரதமர் நரேந்திர மோடி!

டெல்லி: இரண்டு நாள் அரசுமுறைப் பயணமாக சவுதி அரேபியாவிற்குச் சென்றிருந்த பிரதமர் நரேந்திர மோடி டெல்லி திரும்பினார்.

இரண்டு நாள் அரசுமுறைப் பயணமாக சவுதி அரேபியாவிற்குச் சென்றிருந்த பிரதமர் மோடி டெல்லி திரும்பினார். அங்கு பிரதமர் மோடி சவுதி அரேபிய மன்னர் சல்மான் பின் அப்துல் அசிஸ் அல்சாத், இளவரசர் முகமது பின் சல்மான் ஆகியோரை சந்தித்து இரு நாடுகளுக்கான சுமுகமான ஒத்துழைப்பு குறித்து பேச்சுவார்த்தை நடத்தினார்.

மேலும் புதுப்பிக்கத்தக்க எரிசக்தி, பாதுகாப்பு கொள்முதல், விமானப் போக்குவரத்து, நிதி உள்ளிட்ட பல்வேறு துறைகளில் 12 ஒப்பந்தங்களில் கையெழுத்திட்டார். ரியாத்தில் நடந்த எதிர்கால முதலீட்டு முயற்சி குறித்த மாநாட்டில் உரையாற்றிய மோடி, அங்கு இந்தியாவில் தொழில் செய்ய சவுதி நாட்டு முதலீட்டாளர்களுக்கு அழைப்பு விடுத்துள்ளார்.

பிரதமர் மோடியின் இந்த இரண்டாவது சவுதி பயணம் அடுத்தடுத்த பயணங்களுக்கான தூண்டுதலாகவும் இருநாடுகளுக்கான வர்த்தகத்தை மேம்படுத்தும் பாலமாகவும் அமையும் என்றும் எதிர்பார்க்கப்படுகிறது. இந்த இரண்டு நாள் பயணம் நிறைவடைந்துள்ளதையடுத்து சவுதி இந்தியா இடையிலான வெளியுறவுத் துறை அமைச்சகம் வலுப்படுத்தப்பட்டுள்ளது.

இதையும் படியுங்க: