தேசிய கல்விக் கொள்கை குறித்த கருத்தரங்கில் மத்திய கல்வி அமைச்சர் ரமேஷ் பொக்ரியால் பங்கேற்று சிறப்புரையாற்றினார். அதில் அவர், "தேசிய கல்விக்கொள்கை மாணவர்களின் திறனைக் கட்டமைப்பதில் மட்டும் கவனம் செலுத்தாமல் ஆசிரியர்கள், கல்வி நிறுவனங்களின் மேம்பாட்டிலும் கவனம் செலுத்துகிறது.
இந்தக் கல்விக் கொள்கை குறித்து ஒட்டுமொத்த நாடே பெரும் எதிர்ப்பார்ப்பில் உள்ளது. இதுவரை 15 லட்சத்திற்கும் மேற்பட்டவர்கள் தங்களது கருத்துகளை கல்வி அமைச்சகத்திடம் தெரிவித்துள்ளனர். இது மிகவும் வரவேற்கத்தகுந்த அம்சமாக அரசு கருதுகிறது" எனத் தெரிவித்தார்.